Menaxhimi i Parkut Kombëtar të Butrintit është kthyer në një nga çështjet më kryesore për sa i përket anës ekonomike dhe asaj asaj kulturore.
Ditën e sotme në Komisionin e Ekonomisë dhe Financave do të mbahet seanca e radhës për shqyrtimin e dekretit të hartuar nga presidenti Ilir Meta. Anëtarja e këtij komisioni, Ina Zhupa ka theksuar në fjalën e saj se është e papranueshme që vet ministrja e Kulturës Elva Margariti të mos jetë e pranishme.
“Në listë që na ka ardhur për njerëzit pjesë marrës, mua më vjen keq që nuk është ministrja, nuk besoj se ka çështje më të rëndësishme sesa Butrinti. Pra sërish ka hequr dorë nga kompetencat e saj, njëherë hoqi dorë nga menaxhimi i parkut, tani i heq dhe si ministre për të ardhur në seancë,” është shprehur Zhupa.
