Komisioneri për zgjerim, Oliver Varhelyi, ka shkruar në Twitter për konferencën e parë ndërqeveritare të Shqipërisë dhe Maqedonisë së Veriut me Bashkimin Europian.
Ai shkruan se ky është një hap i madh për anëtarësimin e rajonit të Ballkanit Perëndimor në Bashkimin Europian.
“Ne po hapim negociatat e anëtarësimit me Shqipërinë dhe Maqedoninë e Veriut. Në ndryshimin e mjedisit gjeopolitik, prioriteti ynë mbetet Ballkani Perëndimor. Ne jemi të përkushtuar më shumë se kurrë për të sjellë të gjithë rajonin në BE. Sot ne po bëjmë një hap të madh drejt këtij angazhimi”, shkruan Varhelyi në Twitter.
