Një aksident është regjistruar mesditën e sotme në Pogradec. Dy mjete, një tip Volkswagen dhe një Benz janë përplasur dhe për pasojë kanë ngelur të plagosur 3 shtetasë.
Njëra nga pasagjeret është në një gjendje të rëndë dhe po transportohet me urgjencë drejt spitalit të Tiranës.
Pogradec/Informacion paraprak
Më datë 22.07.2022, rreth orës 11:30, në aksin rrugor Pogradec-Qafë Thanë, pranë fshatit Memlisht, Pogradec, janë përfshirë në një aksident rrugor, mjeti tip “Benz” me drejtues shtetasin G. B., 25 vjeç, me mjetin tip “Volkswagen” me drejtues shtetasin F. B., 40 vjeç. Për pasojë është dëmtuar pasagjerja në mjetin tip “Volkswagen”, shtetasja E. K., e cila do të transportohet në Tiranë, për mjekim më të specializuar.
Me dy drejtuesit e mjeteve po kryen veprimet e mëtejshme procedurale.
