Arjan Tase, i cili përplasi për vdekje me gomone 7-vjeçaren Jonada Avdia teksa po lahej në plazhin e Potamit në Himarë, arriti të mund sistemin e drejtësisë, prokurorinë, gjykatën dhe policinë e Vlorës në vetëm një muaj.
Burime nga Policia e Shtetit bëjnë me dije se në datën 03 mars 2020 në kontrollin e monitoromin ajror nga Guardia di Finanza në territorin që mbulonte si shef komisariati Arjan Tase janë konstatuar 6690 rrënjë kanabis në Vranisht të bashkisë Himarë.
Me vendim të Gjykatës Vlorë nr. 299 date 13.12.2020 është caktuar masë sigurimi personal për Tasen, “Pezullim te ushtrimit të një detyre ose shërbimi publik”.
Bazuar ne vendimin e Gjykatës së Apelit Vlorë nr. 60 date 06.01.2021, e cila ka ndryshuar statusin e këtij punonjësi nga pezullim te ushtrimit publik në detyrim për t’u paraqitur në policinë gjyqësore Vlorë.
Bazuar ne këtë vendim në datën 18 janar 2021 është ndërprerë pezullimi disiplinor i tij. Po kështu, çështja është pushuar vetëm për këtë punonjës nga prokurori, ndaj ishte rikthyer përsëri në punë.
