Tre automjete janë përfshirë në një aksident rreth orës 07:00 të mëngjesit të së dielës në Vlorë, ku për pasojë kanë mbetur të plagosur 3 persona.
Policia e Vlorës njoftoi se rreth orës 7:00, në këtë aks, një automjet “Toyota” që drejtohej nga 49-vjeçari A.C, është përplasur me dy makina: me një “Volkswagen” të drejtuar nga 47-vjeçari P. M si edhe me një “Ford” që drejtohej nga G. A.
Mësohet se të tre janë jashtë rrezikut për jetën. Në vendngjarje ndodhet një grup hetimor, i cili po kryen veprimet e mëtejshme në lidhje me sqarimin e rrethanave të aksidentit.
