Horgito Peqini së bashku me Klaudio Sallufi janë lënë në arrest me burg për vrasjen e Madrit Ulqinakut në Elbasan.
Peqini u fotografua brenda kafazit të gjykatës i buzëqeshur. Ndërsa Sallufi ka qëndruar i heshtur. Është vënë re mungesa e familjarëve të dy të pandehurve. Pajtime Fetahu është gjyqtarja që vendosi për dy të pandehurit. Ata u akuzuan për vrasje me dashje dhe armëmbajtje pa leje.
Kush është Horgito Peqini?
Horgito Peqinin është nip-i i Eduart Peqinit, i njohur ndryshe si “Mandela” i Elbasanit, i cili është i dënuar me burgim të përjetshëm për shkak të krimeve që ka kryer në vitin 1997-të.
Ai nuk ishte person me precedent penalë të mëparshëm. Kohët e fundit jetonte mes Italisë dhe Elbasanit. Ngjarja ishte një konflikt i çastit.
Vrasja e Ulqinakut
Ngjarja ka ndodhur në një zonë shumë të frekuentuar të qytetit, pranë stadiumit dhe ishte ende e populluara. Sipas organeve të policisë, dy të rinjtë nuk njiheshin paraprakisht, dhe përplasja mund të ketë nisur për motive banale.
Ulqinaku, babai i dy fëmijëve, ishte pa precedent penal dhe po vinte nga zona e stadiumit. Ai po hynte në mjetin që rezulton i marrë me qira nga ai. Në atë moment, autori i krimit, e ka qëlluar atë në kokë me pistoletë, sapo Ulqinaku ka hapur derën e mjetit.