Ben Sula është arrestuar ditën e sotme nga polica, për shkak të vjedhjeve në kryera në Sarandë.
Sula piskaste turistët, krijonte biseda me ta për të marr vesh se ku jetonin dhe më pas i gjurmonte për ti vjedhur. Prej dy vitesh ai ishte kthyer në makth për turistët pasi u merrte atyre, para dhe bizhuteri.
45-vjeçari nga Rrogozhina hynte në dhomat e hotelit ky qëndronin turistët, rreth orës 1:00 deri në 4:00 të mëngjesit. Gjatë rrëfimit të tij ai ka shpjeguar se vidhte vetëm para cash dhe bizhuteri, këto të fundit i shiste në Tiranë.
Pasi kishte grabitur, ai merrte autobusin dhe largohej për në lagjen Sinaballaj, atje ku edhe banonte.
Sipas hetimeve shuma më e madhe që ai ka grabitur ka qenë 14 mijë euro.
Si u kap tmerri i turistëve?
Për dy muaj, në policinë e Sarandës, çdo ditë gati kishte denoncime për vjedhje, për shuma të mëdha parash.
Autoritet arritën në siguronin një pamje të një personi pa flokë, me pantallona të shkurta dhe i pa maskuar që pas grabitjes po kalonte në një rrugicë në lagjen 1. Identifikimi i tij ishte i vështirë por fotoja e kapur nga kamerat e sigurisë iu shpërnda komisariateve.
Oficerët e policisë fillimisht patën dyshime që ishte i huaj. Mbi Ben Sulën rendojnë akuzat e 19 vjedhjeve të kryera në dy sezone turistike.
Ai ka deklaruar se në Italia, autoriteteve iu desh 8 vite që të mund ta kapnin. Pasi të njëjtën skemë vjedhje zbatonte dhe atje.
Rrëfimi i Ben Sulës
