Policia e Shtetit ndodhet në një moment të vështirë.
E “pushtuar” nga ngjarjet kriminale nga veriu në jug, pa asnjë përgjigje për zhdukjen e Ervis Martinajt dhe në pritje të drejtorit të ri.
Më shumë informacion ka pasur në media në krahasim me atë që ka publikuar policia për biznesmenin e basteve.
Policia nuk di të thotë se ku ishte pika e fundit që u pa, me kë ishte dhe cila është pista kryesore që po hetohet. Prej 7 gushtit 40-vjeçari humbi gjurmët.
Në kulmin e aludimeve nëse është krim apo inskenim, qeveria zyrtarizoi hapjen e basteve online.
Sali Berisha tha dje se pas basteve në krye të “perandorisë” së re do të jetë Olsi Rama, vëllai i kryeministrit.
Këtë lëvizje të fundit për bastet ai e lidhi edhe me zhdukjen e Ervis Martinajt.
Për akuzën e ish-kryeministrit nuk ka pasur asnjë reagim nga Olsi Rama apo i vëllai kryeministër.
