Policia kanadeze ka gjetur trupin e një prej dy vëllezërve të kërkuar për një sulm masiv me thikë që la të vdekur 10 persona dhe 18 të plagosur në provincën e Saskatchewan të dielën, raporton BBC.
I dyshuari tjetër, vëllai i tij Miles Sanderson, 30 vjeç, është i lirë dhe besohet se është plagosur gjithashtu, njoftoi policia gjatë një konference për shtyp.
Sipas Rhonda Blackmore, zëvendësdrejtoresha e Policisë Mbretërore Kanadeze, Miles Sanderson mund të ketë nevojë për një mjek.
“Qindra” policë janë përfshirë në kërkimin për gjetjen dhe arrestimin e tij në tre provinca (Saskatchewan, Alberta, Manitoba).
Sulmet e së dielës në provincën e Saskatchewan ishin ndër më vdekjeprurësit në historinë moderne kanadeze.
Ndër viktimat e para të përmendura nga autoritetet kanadeze ishin një nënë e dy fëmijëve, një e ve 77-vjeçare, një djalë 14-vjeçar dhe një pjesëtare e shërbimeve të ndihmës së parë.
Sipas autoriteteve, disa nga viktimat dyshohet se ishin në shënjestër të dy të dyshuarve, ndërsa të tjerët u sulmuan me sa duket rastësisht.
Kryeministri kanadez Justin Trudeau kritikoi dje faktin se sulmet si ajo e së dielës janë bërë “shumë të zakonshme” në vend.