Në 16 shtator do të hapet gara për kreun e ri të Prokurorisë së Posaçme. Procesi hapet nga Këshilli i Lartë i Prokurorisë.
“Drejtuesi aktual i Prokurorisë së Posaçme përfundon mandatin në datën 18 dhjetor dhe ne kemi detyrimin si Këshill që 3 muaj para përfundimit të hapim garën.
I bie që javës tjetër, në mbledhjen e ardhshme të Këshillit që kemi fiksuar në datë 16 shtator, një nga pikat në rendin e ditës do të jetë edhe hapja e garës për drejtues të Prokurorisë së Posaçme” tha kreu i KLP, Alfred Balla në Klan.
Arben Kraja po mbyll mandatin në krye të SPAK-ut, por ende nuk ka asnjë goditje të bujshme.