Ish-kryeministri Sali Berisha ka reaguar dhe në lidhje me deklaratën e kreut të Grupit të PS-së, Taulant Ballës, ku tha se së shpejti do shpallet “non grata” dhe nga BE.
Berisha iu përgjigj duke thënë se treni është i pandalshëm para çdo gjëje.
“Nuk kam asnjë informacion të tillë. Unë di që BE ka një rezolutë ku deklarohet se asnjë vendim i tillë nuk duhet të merret pa proces gjyqësor. Por duhet të jem i qartë: Asgjë në botë nuk do mundet kurrë të ndalojë këtë projekt. Ky tren është i pandalshëm. Sado të lobojë Edi Rama. Sado miliona të shpenzojë. E vërteta është që kjo lokomotivë do ta nxjerrë ate nga pushteti. Kjo është përgjigja ime,” tha Berisha.
