Deputetja e PD-së, Flutura Açka ka reaguar për konfiskimin e pallateve pa leje nga qeveria e Ramës.
Ajo është shprehur se kjo është një formë gjobëvënieje për të mbushur arkën e shtetit, pasi qeveria mund të mos i lejonte të ndërtonin aty.
“Ky është një aksion i pastër gjobëvënieje për të mbushur arkën e shtetit dhe për të hequr vëmendjen nga rritja e çmimit të energjisë me të cilin i gjobitët dje shqiptarët. Sa kohë nuk ka të ndëshkuar për këto shkelje dhe dorëheqjet tuaja, kjo është vetëm kozmetikë,” është shprehur ajo.