Kryetari i grupit të PD-së, Enkelejd Alibeaj e cilëson të frytshëm takimin me ambasadoren amerikane në Tiranë, Yuri Kim. Në një postim në Facebook, deputeti shkruan që në qendër të bisedës temat ishin disa.
“Sot zhvillova një takim të frytshëm pune me Ambasadoren e ShBA në Tiranë Zonjën Yuri Kim.
Njsja e sezonit të ri parlamentar dhe sfidat e reja gjatë kësaj periudhe ishin në qendër të bisedës.
Disa nga çështjet kryesore ishin përmirësimi i legjislacionit në fuqi, reforma administrative – territoriale dhe ecuria e Grupit Parlamentar të PD-së.
E falenderova zonjën Kim për mbështetjen që SHBA i ka dhënë Shqipërisë në përballjen me sulmin kibernetik të Iranit.
E sigurova se PD i është mirënjohëse ShBA-ve që përgjatë gjithë historisë së re dhe të vjetër të vendit tonë, ka patur mbështetjen e vazhdueshme të Amerikës” shkruan ai.
Takimi i Yuri Kim me Enkelejd Alibajn dhe Taulant Ballën erdhi pas zbulimit të financimit rus për PD-në në 2017, kur drejtohej nga Lulzim Basha.
