Kryetarja e Autoritetit të Dosjeve, Gentiana Sula ka sqaruar sot në komisionin e Ligjeve arsyet e dërgimit me urgjencë drejt Kuvendit të shkresës me rezultatet e kërkimit për Ilir Metën, pra sipas këtij institucioni, se ka rezultuar ish-bashkëpunëtor i sigurimit të shtetit.
“Arsyeja e parë ishte sepse kuvendi është ligjvënësi. U veçua sepse për të ishte kërkuar më parë verifikim figure. Subjektet e tjera nuk ishte se kuvendi kishte kërkuar verifikim të figurës.
Ne po i dërgonim informacion të njëjtit subjekt që e kishte kërkuar. Ishte akt administrativ. Akti jonë, nëse nuk do të kishte mburojë do të fillonim kërkimet.
Sa i përket urgjencës, përgjigjet që kërkojnë verifikim figure janë të karakterit të urgjencës, sepse ndodhet organi përballë zgjedhjes. Për verifikim figure ose dëm civil lëvizim me urgjencë” tha Sula.
Deputetja e Partisë së Lirisë, Erisa Xhixho tha se “Emri Ilir Rexhep Metaj nuk është në asnjë moment në dosjen që përmend Autoriteti”.
