Efektivi i policisë Jeton Lami nuk është i vetmi që është kapur nga “grepi” i grupeve kriminale, pasi shëtiste Ervis Martinajn me makinë.
Edhe rivalët e tij punonin. Gazetari Flamur Vezaj tha për “5pyetjet.al” se rivalët e Martinajt kishin rekrutuar një oficere të INTERPOL-it të gjurmonte lëvizjet e Ervis Martinajt.
Pra hyrjet dhe daljet nga Shqipëria. Gjithashtu për këtë rast, veç ofieceres është proceduar edhe një punonjëse agjencie udhëtimesh.
“Pak muaj më parë kemi një procedim të një punonjëse te policisë dhe një punonjëse agjencisë udhëtimesh u proceduan pasi kishin vëzhguar lëvizjet e Martinajt jashtë territorit shqiptar.
Këta janë që janë proceduar. Por mos harrojmë se kur ndodh një rast dhe veprohet, eksperienca në tregon, se ka plot raste të tjera që nuk arrihet të kapën.
Pasi edhe rivalët e Martinajt në aspektin ekonomik janë fuqizuar. Kemi disa raste tashmë, që janë proceduar apo arrestuar, që rezultojnë se i shërbenin grupeve kriminale” tha ai.
