Presidenti i Serbisë, Aleksander Vucic, në fjalimin e tij në OKB ka folur në superlativë për Shqipërinë që prej disa vitesh qeveriset nga Edi Rama.
Vuçiq e ka përmendur raportin e mirë të viteve të fundit me Tiranën zyrtare në përpjekjen e tij për t’iu kundërpërgjigjur zërave që e cilësojnë Serbinë si një faktor të destabilitetit në rajonin e Ballkanit Perëndimor.
Vuçiq ka thënë se Serbia dhe Shqipëria aktualisht kanë raportet më të afërta që kanë pasur një gjithë historinë e bashkëpunimit.
“Këtë e di mirë, sepse ne tashmë kemi kapërcyer shumë barriera që qëndruan mes popujve tanë me vite dhe na kushtuan mijëra jetë dhe një të ardhme të humbur. Serbia dhe Shqipëria, p.sh., sot kanë marrëdhëniet më të afërta dhe më miqësore në të gjithë shekujt e tyre. “Histori e gjatë e përbashkët në hapësirën e Gadishullit Ballkanik”, ka thënë Vuçiq.
Ai ka përmendur edhe bashkëpunimin që kanë në projektin e Ballkanit të Hapur.
“Ne diskutuam shumë dhe dolëm me zgjidhje të shumta që tashmë i kanë hequr barrierat që ekzistonin mes nesh pa ndonjë arsye racionale. Para së gjithash në ekonomi, tregti dhe fluksin e njerëzve dhe kapitalit. Serbia, Shqipëria dhe Maqedonia e Veriut kanë që prej tre vitesh po zbaton projektin “Ballkani i hapur” i cili ka një ide të qartë – të hapë rajonin për njerëzit, për mallrat, shërbimet, për kapitalin dhe kompanitë, në mënyrë që të kemi një zonë që do të jetë përgjithmonë pa tensione, tensione. dhe konflikti”, ka vazhduar tutje Vuçiq./GazetaExpress
