Ish-presidenti Ilir Meta kërkoi sot që qeveria dhe ERE të anulojnë vendimin për rritjen e çmimit të energjisë elektrike për familjet që harxhojnë mbi 800 kilovat në muaj. “Kufiri të jetë jo më pak se 1200 kilovat” tha ai.
Më pas kishte një porosi për familjet shqiptare. “U kërkojmë qytetarëve të ruajnë sahatet nga patronazhistët e OSHEE-së për t’i mbifaturuar”.
Për krizën energjetike, kryetari i partisë së Lirisë fajëson direkt qeverinë për vjedhje dhe keqmenaxhim.
“Humbjet e OSHEE-së janë 23%, ndërsa janë investuar mbi 1 miliard euro, por këto kanë dështuar për shkak të korrupsionit. Humbjet duhet të ishin 6-9%. 1 miliard euro janë hedhur në lumë dhe xhepat e rilindjes” tha ai.
