Një 39 dhe një 33-vjeçar janë arrestuar nga policia e Kuçovës pas një vjedhje të bërë.
Dy autorët vodhën një sasi parash, një telefon dhe një laptop nga shtëpia e një të moshuare. 33-vjeçari është dënuar dhe më herët për këtë vepër penale.
“Bazuar në provat e grumbulluara nga veprimet hetimore, shërbimet e Komisariatit të Policisë Kuçovë kanë kapur dhe arrestuar autorët e dyshuar, shtetasit E. H., 39 vjeç dhe E .B., 33 vjeç (i dënuar më parë për veprën penale “Vjedhja”).
Gjithashtu, shërbimet e Policisë gjetën dhe sekuestruan në cilësinë e provës materiale, shumën e parave, telefonin dhe laptopin që këta shtetas kishin vjedhur në banesën e së moshuarës,” ka njoftuar policia.
