Zbulohen detaje të reja nga ngjarja e sotme që tronditi Divjakën, ku pronari i një hoteli Llambi Marku u gjet i djegur brenda një dhome.
Ngjarja ndodhi në katin e katërt të hotelit të tij në papafingo.
Paraprakisht, sipas policisë dyshohet se gjatë natës aksidentalisht është shkaktuar zjarr në dhomën ku qëndronte 60-vjeçari, i cili për pasojë është asfiksuar dhe më pas është djegur.
Por të afërm të tij thanë për mediat se 60-vjeçari kishte disa ditë që ishte ndarë nga gruaja.
Dyshohet se Marku mbrëmë kishte konsumuar një sasi të madhe alkooli.
60-vjeçarin dyshohet se ka zënë gjumi me cigaren ndezur që shkaktoi më pas vatrën e zjarrit duke u asfiksuar dhe djegur.
