Banda e shqiptarit Esmin Ferhati në Greqi, i njohur ndryshe me nofkën “Esko” u shpërbë nga një aksion policor i zhvilluar ditën e djeshme.
Por mediat greke kanë publikuar disa detaje të reja nga grabitjet në kampusin e Universitet Politeknik.
Pamjet e marra nga celularët e drejtuesve të klanit tregonin anëtarët e pajisur me armë duke grabitur një Mercedes luksoz në mes të ditës; duke grabitur kioskën e një marketi; duke qarkulluar për kryeqytet, por vetëm me armë.
Siç bëhet e ditur në shkresat e çështjes, rektori i universitetit kishte marrë një shkresë nga një person i panjohur, i cili ndër të tjera thoshte se në Universitetin Politeknik kryhen vjedhje dhe trafikimi i lëndëve narkotike nga njerëz me origjinë shqiptare.
