Një çift i ri u ankua se gjetën një kamerë të fshehtë në një akomodim turistik në Halkidiki , ku kaluan natën.
Sipas denoncimit, bëhej fjalë për një pajisje regjistrimi dhe ruajtjeje video dhe audio, e cila ishte futur në një prizë në dhomë.
Pas kthimit në Selanik ku jetojnë, denoncuesit (një 26-vjeçar dhe një 25-vjeçar) i janë drejtuar policisë, duke bërë padi kundër pronarit të banesës (dhoma me qira), duke paraqitur edhe pajisjen specifike.
Ankesa i është përcjellë komisariatit përkatës të Halkidikisë për kryerjen e hulumtimeve. Në këtë kuadër pajisja në fjalë do të dërgohet në laboratorët kompetentë të policisë, për të përcaktuar nëse është kryer vepra penale e shkeljes së të dhënave personale.
