Ish-komandanti i UÇK-së Deli Leka, 54-vjeç ka humbur jetën ditën e sotme në Pejë si pasojë e një incidenti në ashensorin e një pallati.
Lajmin e ka konfirmuar për mediat e Kosovës zëdhënësi i policisë për rajonin e Pejës, Driton Rugova.
“Sot rreth orës 15:00, Policia është informuar se në rrugën “Ali pashë Tepelena” në Pejë, ka ndodhur një incident në ashensorin e një banese kolektive shumëkatëshe. Njësitë Policore menjëherë i janë përgjigjur vendit të ngjarjes, gjithashtu edhe ekipi mjekësor të cilët kanë konstatuar vdekjen e viktimës, mashkull 54 vjeçar”, tha ai.
