Në parkingun e një lokali në Tiranë ditën e sotme është pikasur një qese e dyshimtë. Stafi i lokalit e ka marrë dhe e ka hapur qesen brenda së cilës kishte 4 granata dhe 2 kapsolla detonatorë.
Lokali ndodhet në Kombinat, në rrugën “Besim Alla”. Sapo kanë konstatuar granatat dhe kapsollat stafi ka njoftuar policinë që ka shkuar me shpejtësi.
Ende nuk dihet nëse granatat dhe kapsollat kanë rënë nga ndonjë makinë në momentin që është larguar apo janë vendosur me qëllim si një mesazh për pronarin e lokalit?
Kamerat e sigurisë pritet që të hedhin më shumë dritë. Grupi hetimor ndodhet në vendngjarje dhe po punon për sqarimin e rrethanave të ngjarjes.
