Në javën që lamë pas disa aksione të rëndësishme policore janë zhvilluar.
Plot 192.5 kg kanabis, 456 bimë kanabisi të sekuestruara, si dhe 26 shtetas të vënë në pranga, në kuadër të megaoperacionit “Qarku”, të zhvilluar në 5 faza.
Po ashtu janë sekuestruar në Tiranë, pasuri me vlerë 5 milionë euro, të dyshuara të përfituara nga veprimtari kriminale, si dhe sekuestrohen në Fier, 18 380 euro, të dyshuara të përfituara nga shitja e narkotikëve.
Edhe në fushën e armëmbajtjes pa leje janë finalizuar operacione dhe megaoperacione policore. Janë sekuestruar 12 armë zjarri, 1 silenciator, krehra armësh, municion luftarak, 7 granata, 6 armë gjahu, 1 armë sportive e 3 thika, si dhe janë vënë në pranga 13 shtetas, si posedues të tyre.
Operacioni “Përtej kufijve” i organizuar së bashku me policinë turke u finalizua me sekuestrimin e armëve të zjarrit, sasive të drogave të ndryshme dhe bimëve narkotike.
