Xhani De Biazi, ish-trajneri i përfaqësueses shqiptare, ka në admirim të veçantë për Armando Brojën. Edhe pse gjatë viteve të tij në Shqipëri ai ka drejtuar disa nga sulmuesit më të spikatur në historinë e përfaqësueses kuqezi, De Biazi pranon se Broja është i veçantë për cilësitë që ka.
Duke folur për “tribalfootball”, tekniku i cili aktualisht drejton përfaqësuesen e Azerbajxhanit, ka shprehur admirimin e tij për sulmuesin shqiptar të Çelsit.
“Unë nuk e njoh atë, por ai ka cilësi teknike dhe fizike që janë të jashtëzakonshme. Ai duhet të vazhdojë të punojë shumë dhe të japë 100% në çdo minutë që luan për ekipin. Për të mund të them se do të dëshiroja të kisha lojtarë si ai në ekipin tim”, ishin fjalët e De Biazit për sulmuesin e përfaqësues shqiptare.
