-sidi education-spot_img
13.5 C
Tirana
-sidi education-spot_img

“Shoqja ime pse ike”? Telefonata e fundit dhe pengu: Rrugë e mallkuar që më more motrën

Kryesoret

Tragjedia shqiptare në Itali ka tronditur komunitetin në Parma. Katër shqiptarë, mes tyre tre fëmijë humbën jetën si pasojë e një aksidenti që ndodhi në mbrëmjen e së dielës, teksa po ktheheshin në shtëpi.

Tapë dhe i droguar! FOTO-Ky është i riu që shoi familjen shqiptare

Viktimat janë Shane Hyseni, 22 vjeçe, djali i saj i vogël, vetëm 2 vjeç, Mattias Lame, si dhe motra e vëllai i 22-vjeçares, 11-vjeçari Resat Hyseni dhe 8-vjeçarja Rejana Hyseni.

Makina tip “Fiat” drejtohej nga Orjol Lame, partneri i 22-vjeçares. Ai i ka shpëtuar aksidentit, por është në gjendje të rënë në spital. Lame do të akuzohet për vrasje, pasi nga testi rezultoi se ishte i dehur dhe në efektin e drogës.

Suela Hajdarmataj Mansi shoqja e ngushtë e Shanes ka rrëfyer bisedën e fundit. “Shoqja ime, pse ike? Jemi njohur dy vite më parë, kur erdha në Itali. Burri im dhe Orjoli (burri i Shanes) njiheshin më parë pasi ishin nga i njëjti vend në Shqipëri. Kështu që dilnim shpesh. Resati dhe Rejana (vëllai e motra i Shanes) kishin të njëjtën moshë me fëmijët e mi.

Vinin dhe ata, luanin bashkë me të vegjlit e mi. Më luteshin që t’i lija të qëndronin për të fjetur. E gjitha kjo nuk mund të bëhet më. Është e tmerrshme. Të dielën në mbrëmje e dija që do të dilnin për të ngrënë jashtë.

Pasi të çoje vëllain dhe motrën në Parma, në kthim duhej të ishim takuar në Cade, për të pirë një kafe dhe për të qëndruar pak sëbashku. Ne ishim nisur nga shtëpia jonë…

Zemra ime ama është atje. Shoqja ime Shane, e di që nuk do ta lexosh kurrë këtë mesazh që po ta dedikoj ty, Mattiasit, Resatit dhe Rejanës. Keni hapur një plagë të pashërueshme me këtë tragjedi shumë të madhe.

Atë mbrëmje isha rrugës për të të takuar për të pirë një kafe së bashku. Por nuk e kisha menduar kurrë që do të të gjeja në atë rrugë të mallkuar të shtrirë, pa frymë dhe me gjithë ato drita blu ambulance sipër teje.

Të thirra, por nuk më dëgjove. Të thirra fort me gjithë forcën që më ka dhënë Zoti. Por nuk mora asnjë përgjigje e as nuk munda të të zgjoj. Fatkeqësisht ti nuk do të kthehesh dot më nga ajo rrugë. Ke shkuar pranë Zotit, por ishe shumë e re për këtë. Ishe shumë e re dhe ne të dyja i realizuam dot dëshirat dhe planet që kishim si shoqe.

Më le vetëm. Pse hoqe dorë kështu? Përse u largove? More edhe Mattiasin me vete. Kujt mund t’i them “dashuri” tani? Kur e thërrisja kështu, qeshte gjithmonë. Çfarë mund t’u them fëmijëve të mi tani? Çfarë dhimbje. Mirupafshim Shane, shoqja ime…”, shkruan ajo.

/5pyetjet.al

spot_img
spot_img
spot_img
spot_img
spot_img
spot_img
- Advertisement -spot_img

Më tepër

- Advertisement -spot_img

Lajmet e fundit