Kreu i PD-së, Sali Berisha ka reaguar në foltoren e kuvendit në lidhje me projekt buxhetin e vendosur për 2023.
Ai është shprehur se kjo është një tjetër vjedhje e madhe dhe se po rritet borxhi publik.
“Ky është buxheti i vjedhjes më të madhe që një qeveri i ka bërë ndonjëherë shqiptarëve në historinë e tyre. Për të dokumentuar këto, u bëj me dije qytetarëve se gjatë viteve 2005-20013 rritja ishte 530 miliard lekë, kundrejt vetëm 400 miliard rritja e 9 viteve. Borxhi publik kulmon me vjedhjen më të madhe, u rrit me 500 miliard lekë, borxhi publik në vitet 2005 -2013, u rrit me 300 miliard lekë.
Rrogat nuk u rritën, shqiptarët po vidhen, nga njerëzit më të paguar në Ballkan në atë më të ulët. Asnjë punë tuajën nuk i tregoni dot shqiptarëve, të gjitha janë vazhdime të punëve që ishin në ndërtim e sipër,” u shpreh ai.
