Ish zv/ ministrja e Brendshme, Rovena Voda vazhdon betejën me drejtësinë. Ditën e sotme ajo është paraqitur në Gjykatën e Apelit për të kërkuar pafajësinë pas dënimit me 10 muaj burg. Ish-zyrtarja e lartë u dënua në prill të këtij viti për “ndikim të paligjshëm ndaj personave që ushtrojnë funksione publike”, por vendimin e ka apeluar.
Rovena Voda ishte me masë sigurimi arresti në shtëpi që prej korrikut të vitit të kaluar por SPAK e akuzoi atë për mitmarrje dhe ushtrim të ndikimit të paligjshëm, pasi e kapi në përgjime të pranonte 1 mijë euro, një telefon celular dhe një arkë me peshk, në këmbim të një vendi pune për të pandehurën Florinda Beu.
