Rizhvarrosja e kufomës në fshatin Babje të Librazhdit ka nxjerr nga rafti dhe dosjen e prokurorisë për zhdukjen e këngëtarit të tallavasë, Renato Hamza.
Eshtrat u zhvarrosën në 3 nëntor të këtij viti për të vazhduar më tej me proceduarat e identifikimit të tyre.
Ka qenë Drejtuesi i Prokurorisë së Elbasanit, Kreshnik Ajazi, i cili pas vlerësimit të situatës vendosi zhvarrosjen e trupit të gjetur në fshatin Babje të Librazhdit.
Eshtrat e gjetura fillimisht në vitin 2014 në fshatin Babje të Librazhdit kanë ngjashmëri kockore me skeletin e Renato Hamzës, por identifikimi i tyre u la pezull, për arsye ende të paqarta.
Kanë mbetur dhe 45 ditë nga dalja e përgjigjes së ADN-së.
Këngëtari i muzikës tallava Reni i Elbasanit, mund të jetë ekzekutuar nga një grup kriminal që operon në zonën e Shqipërisë së Mesme, pasi për të riun kanë pasur dyshime se mund të ketë qenë dëshmitarë i një ngjarje kriminale që ky grup kishte kryer.
