Kryeministri Edi Rama ka reaguar për raketat ruse që goditën një fshat polak dhe ku humbën jetën 2 persona.
Me anë të një postimi në Twitter, Rama tha se Polonia ka mbështetjen e solidaritetin e Shqipërisë.
“Mateusz Morawiecki, Shqipëria është seriozisht e shqetësuar për lajmet mbi shpërthimet në Poloni. Ju keni solidaritetin dhe mbështetjen tonë”, i ka shkruar Rama kryeministrit polak.
@MorawieckiM 🇦🇱 is seriously concerned about the news on explosions in Poland. You have our #solidarity and full #support.
— Edi Rama (@ediramaal) November 15, 2022
Kujtojmë se dy raketa ruse ranë në një zonë të territorit polak, pranë kufirit me Ukrainën gjatë ditës së sotme dhe u morën jetën dy personave.
Ndërkohë Rusia e mohoi autorsinë e sulmeve mbi territorin polak. Reagime lidhur me këtë çështje erdhën edhe nga Shtetet e Bashkuara dhe NATO, të cilët u shprehën të gatshëm për të mbrojtur çdo pëllëmbë të aleancës nëse do të jetë nevoja.