Që prej ditës së djeshme moti i keq ka pushtuar Shqipërinë duke shkaktuar probleme të shumta nga veriu në jug.
Bashkia e Fierit, Patosit e Mallakastër ka patur probleme me energjinë elektrike.
Në zonën e Roskovecit në fshatrat Suk 1 e Suk 2 ka pasur ndërprerje të energjisë elektrike, e cila është rikthyer në orët e para të mëngjesit. Në zonën e Levanit, Kafaraj, Qarr e Bishan energjia ka munguar për disa orë ndërsa në Peshtan momentalisht janë 50 familje për shkak të dëmtimit të një kabine elektrike, hyrja në të cilën është e vështirë.
Ndërkohë në Mallakastër, ne fshatrat Klos, Hekal, Kutë e Frashër janë pa energji elektrike rreth 300 abonentë ndërsa grupet e punës janë në gatishmëri për riparimin e dëmeve. Pa energji elektrike është stacioni i pompimit në Poçem, duke sjellë pengesa në furnizimin me ujë të zonës.
