“Forcat e armatosura turke pothuajse kanë përfunduar përgatitjet për një operacion tokësor në Siri dhe janë në pritje të një vendimi nga presidenti Erdogan“, thanë për Reuters dy zyrtarë të lartë turq.
Një tjetër vuri në dukje se përgatitjet përfundimtare do të zgjasin disa ditë të tjera. “Nuk ka mbetur shumë kohë para fillimit të operacionit. Tani varet nga vendimi i presidentit”, shtoi zyrtari.
Sipas tij, objektivat e operacionit do të jenë qytetet Manbij, Kobani dhe Tel Rifat, për të krijuar një zonë të vetme midis territoreve të ndryshme siriane që janë nën kontrollin e Ankarasë që nga viti 2016.
Që nga 20 nëntori, Turqia ka kryer operacione ajrore në veri të Sirisë dhe Irak kundër krahut sirian të PKK. Presidenti Erdogan e quajti atë një sukses dhe nuk përjashtoi një operacion tokësor. Ministria e Jashtme ruse paralajmëroi se kjo mund të rrisë tensionin në rajon dhe të çojë në një rritje të aktivitetit terrorist.
