“Topi ishte brenda fushës, këtë e certifikuan imazhet e sallës VAR me ndihmën e goal line technology”. Kë është qëndrimi zyrtar i FIFA-s në lidhje me polemikën e madhe që është krijuar pas golit të dytë të Japonisë në ndeshjen me Spanjën që solli si pasojë edhe largimin e Gjermanisë nga Kupa e Botës.
Fotot e topit të mbajtur në lojë janë bërë virale gjatë 24 orëve të fundit por sipas rregullores, që topi të përcaktohet jashtë fushës, duhet të kalojë 100% vijën dhe në këtë rast sipas FIFA-s, milimetrat e kanë mbajtur në lojë.
Reagim që gjithsesi nuk do t’u japë fund polemikave në rrjetet sociale dhe në media ndërsa vetë federata gjermane nuk ka mbajtur ende asnjë qëndrim zyrtar duke preferuar ta kërkojë fajtorin te vetja dhe jo te ndeshja e Spanjës me Japoninë.
