Ish-presidenti Ilir Meta në një konferencë për mediat nga selia e Partisë së Lirisë ka dënuar sulmin, goditjen me grusht në fytyrë kundër Sali Berishës në nisje të protestës së sotme në Tiranë.
“Shpreh një falënderim të veçantë për liderin e PD-së, Sali Berisha për atë menaxhim të shkëlqyer që i bëri sot atentatit mafioz të orkestruar, nga Edi Rama, që kishte vetëm një qëllim, që të devijonte një protestë paqësore në një manifestim dhune me viktima.
Është e qartë dhe në dritën e diellit, se sot Edi Rama në përpjekjet e tij më ekstreme për të provokuar dhe fajësuar opozitën, nxori fytyrën e tij të vërtetë që nuk ka diplomat, ambasador apo mafioz të korruptuar që mund t’ja retushojë dot” tha ai.
