Agresori i Sali Berishës, Gert Shehu ndodhet në spital në kujdesin e mjekëve pas sulmit që pësoi dje nga protestuesit në momentin që goditi Sali Berishën.
Në foto ai shfaqet me pranga në një dorën dhe tjetrën duke firmosur deklaratën e policisë dhe masën e arrestit që iu komunikua në spital. Shenjat e goditjeve në trup janë dukshme.
31-vjeçari u shpëtoi nga duart bodyguardëve dhe arriti që të godiste me grusht kreun e PD-së, Sali Berisha, teksa ky i fundit po marshonte për në bulevard.
Ngjarja ndodhi në rrugën që lidh selinë e Partisë Demokratike me bulevardin Dëshmorët e Kombit.
Berisha edhe pse me shenja në fytyrë, vazhdoi rrugën drejt protestës aty ku mbajti edhe fjalim.
