Dy kopje “unike” të “Don Kishotit” të Miguel de Cervantes-it janë shitur për 504 mijë euro, përfshirë taksat, në një ankand të organizuar nga Sotheby’s sot në Paris.
Identiteti i blerësit të këtyre veprave të rralla nuk u bë i ditur.
Njëra kopje ishte botimi i tretë i Librit 1 i shtypur në vitin 1608 dhe tjetri botimi i parë i Librit 2, i vitit 1615.
Historia e fshatarit të varfër e të mirë, i cili mendon se është kalorës dhe endet për të shpëtuar të dashurin e tij me kalin e tij me luspa dhe shërbëtorin e tij, Sanço Panza konsiderohet romani i parë modern.
Libri ka pasur sukses të madh që kur u botua për herë të parë në vitin 1605.
Kopjet, të cilat u ekspozuan publikisht në nëntor në Londër, u blenë rreth një shekull më parë nga një diplomat bolivian.
Jorge Ortiz Linares, një koleksionist i pasionuar kishte vite që kërkonte botimin e parë të romanit.
Në vitin 1930 ai shkoi në Londër, e cila atëherë ishte ndoshta qendra ndërkombëtare më e rëndësishme për blerjen dhe shitjen e librave të dorës së dytë.
Kur vizitoi këtë librari nuk e gjeti atë që kërkonte, por la të dhënat e tij, në rast se fati i buzëqeshte në të ardhmen.
Sipas mirëmbajtëses së librave dhe dorëshkrimeve të Sotheby, Ann Heilborn ai u thirr gjashtë vjet më vonë, më 21 dhjetor 1936 ku ai bleu dy kopjet, Librin 1 për 100 £ dhe Librin 2 për 750 £.
Këto kopje janë “unike” sepse janë lidhur në shekullin e 18-të për llogari të një koleksionisti anglez dhe është e rrallë të gjesh një “Don Kishot” me lidhje kaq të vjetra.
