Kombëtarja e Marokut dhe e Kroacisë janë pritur nga tifozët e vendeve të tyre pas përfundimit të Kupës së Botës.
Një Botëror i cili u dhuroi kombeve të dy vendeve emocione deri në gjysmëfinale.
Kroatët u rikthyen në shtëpi me medaljen e bronzit të vendit të tretë të fituar në këtë Botërorit.
Ata u pritën nga mijëra tifozë dhe përshëndetën lojtarët të cilët arritën të kishin sukses edhe këtë vit duke dërguar kombëtaren në vendin e tretë në Botëror.
Djemtë e Walid Regragui e mbyllën Botërorin në vend të katërt duke i dhuruar emocione të paharrueshme popullit maroken.
Kombëtarja ka mbërritur sot në kryeqytetin e Rabatit dhe është pritur nga një turmë e madhe njerëzish.
Tifozët janë krenarë me ekipin e zemrës dhe mijëra kanë mbushur rrugët e Rabatit për të përshëndetur heronjtë e tyre, të cilët kanë parakaluar me një autobus të hapur nën entuziazmin e tifozëve të zjarrtë.
