Ishte duke qarkulluar me shpejtësi drejt spitali të Beratit, pasi kishte gruan e sëmurë, kur humbi kontrollin e mjetit dhe u përplas me trafikëndarësen e rrugës në qendër të Beratit, rreth 500 metër larg Drejtorisë Vendore të Policisë Berat.
“Mjeti, tip Toyota, me targa BR 1738 B, ka qenë duke qarkulluar me shpejtësi , por pasi ka humbur kontrollin është përplasur fillimisht me shtyllën e tensionit të lartë duke e hedhur në shesh dhe më pas ka përfunduar mbi trafikëndarësen e rrugës. Fatmirësisht mjeti nuk ka dëmtuar asnjë kalimtar në këtë aks që është gjithmonë i populluar. Mësohet se drejtuesi i mjetit ishte duke qarkulluar me shpejtësi drejt Spitalit Rajonal Berat pasi bashkëshortja e tij që ndodhesh me të në makinë ishte e sëmurë,” ka njoftuar policia.
Shkak për aksidentit është bërë një defekt në mjet, i ka rënë në shesh koka e paralelit dhe kjo ka sjellë edhe humbjen e kontrollit të mjetit nga ana e drejtuesit të saj.
