Një repart i maternitetit në qytetin jugor të Ukrainës, Kherson, u godit nga bombardimet ruse. Këtë lajm e ka bërë të ditur Kyrylo Tymoshenko, nënkryetari i zyrës së presidentit të Ukrainës.
“Ata bombarduan vendin ku kanë lindur dy fëmijë sot. Para sulmit, mjekët arritën të kryejnë një prerje cezariane. Në institucion janë 5 gra pas lindjes. Për mrekulli, askush nuk u lëndua”, tha Timoshenko përmes platformës së mesazheve Telegram.
Përmes një njoftimi në facebook, Shtabi i Përgjithshëm i Forcave të Armatosura lajmëroi se granatimet ruse kanë dëmtuar gjithashtu edhe infrastrukturën civile të venbanimit Antonivka në rajonin Kherson
Ndërkohë, kërcënimi i sulmeve ajrore dhe raketore ndaj objekteve kritike të infrastrukturës mbetet në të gjithë territorin e Ukrainës, pasi ofensiva e Rusisë u zhvillua në drejtimet Bakhmut dhe Avdiivka.
