Sot do të përcillet për në banesën e fundit i riu Visart Cengu që u vra në orët e para të ditës së djeshme në Prizren. Ngjarja ka shkaktuar tronditje të madhe në qytetin e Kukësit.
“Mbarë familja Cengu, ngushëllime për Visartin. Shuarja e birit tuaj na ka tronditur thellë. Na lejoni ta bashkëndajmë dhimbjen për këtë rast të rëndë që ndodhi në këtë fillimvit.
Shpirti i bardhë i Visit u prehtë në paqe e juve Zoti ju dhashtë forcë për ta përballuar dhimbjen” shkruan njëri prej të afërmeve.
Cengu sapo kishte ardhur nga Franca për të kaluar festat e fundvitit në atdhe dhe mbrëmjen e së hënës kishte shkuar për të festuar në Prizren.
Por në momentin e largimit nga lokali i natës janë konfliktuar me pronarin Dibran Hoxhaj të njohur si “Kobra” i cili ka zbrazur armën duke lënë të vdekur Visartin dhe plagosur shokun e tij.