Një 44-vjeçar shqiptar ka rënë në pranga si autor i disa grabitjeve të kryera në Brescia në Itali.
Sipas raportimeve nga mediat italiane bëhet me dije se ditët e fundit autoritetet kishin identifikuar makinën me të cilën disa persona kishin kryer grabitje në territoret e Valle Camonica, Val Trompia dhe Franciacorta.
Menjëherë kanë nisur kontrollet për të identifikuar autorët. Gjatë momentit të ndalimit 44-vjeçari ka tentuar të arratiset por u ndalua nga autoritetet.
Brenda makinës së tij u gjetën doreza, pishtarë dhe mjete të ndryshme për vjedhje.
Personi i arrestuar, i dënuar dhe me precedentë për krime kundër pronës u dërgua në burg në Mombello, Brescia.
