Policia greke ka arrestuar një 33- vjeçar shqiptar pasi u pa në Athinë teksa mbante një kuti kartoni që përmbante pesë pako plastike me kanabis të papërpunuar me peshë 2 kilogramë e 550 gramë.
Sipas informacioneve, 33-vjeçari do t’i jepte kutinë e kartonit me kanabisin një tjetër personi që i ka shpëtuar arrestimit dhe është në kërkim.
Gjithashtu, në një kontroll në banesën e të arrestuarit dhe pas një lajmërimi të qenit të policisë K9 “Rando”, janë gjetur dhe konfiskuar dy pako me ekstrakte bimore kanabis me peshë totale 205 gram. Për arsye hetimore, identiteti i shqiptarit nuk është bërë ende publik.
