Kreu i Partisë së Lirisë Ilir Meta në një konferencë për shtyp ka folur edhe një herë për çështjen McGonigal.
Ai tha se është në dijeni që Edi Rama tre porositë e para ia ka dhënë Charles McGonigal , në kohën kur ishte President.
“Jam shumë i nderuar që tre porositë e para që i ka dhënë Edi Rama këtij zotërisë që është ndaluar nga FBI-ja, i ka dhënë kundër presidentit në detyrë në atë kohë Ilir Metës, për të bërë hetime të paligjshme nën autoritetin e FBI-së, për të ndikuar këtu dhe jashtë vendit dhe për të marrë dëshmi të rreme.
Caushaj ka dhënë një pjesë të vogël të së vërtetës që unë e kam ditur.
Nuk janë 4 vizita, aq janë regjistruar për momentin. Nga hetimi do të dalin shumë më tepër vizita të paraportuara sipas ligjit të Shtetit amerikan që kanë qenë në funksion të lojërave të Edi Ramës për të shkatërruar stabilitetin.
Ne kemi punën tonë dhe drejtësinë tonë. Ne kemi dhe drejtësinë e popullit. Këta persona janë takuar dhe me prokurorë, dhe me gjykatës, me njerëz të drejtësisë dhe biznesmenë dhe janë përdorur nga Edi Rama për të bërë shantazhe dhe mashtruar
Por vetëm emri i kryeministrit tonë është aty sepse ky e ka dërguar atë në vendet e tjera sepse kërkon të bëjë lëmsh Ballkanin.
