Në çdo rast që bashkitë do të përballen me situata të krijuara nga Emergjencat Civile, brenda dy ditësh ata mund të marrin fondin e nevojshëm për të mbuluar shpenzimet e paparashikuara në buxhetet e tyre. Fondi është detajuar në mbledhjen e sotme të qeverisë.
“Përmes Agjencisë Kombëtare të Mbrojtjes Civile e alokon në mënyrë të përshpejtuar brenda dy ditëve pas kërkesës së kryetarëve të bashkive sa herë që evidentohet një problematikë emergjente”, tha ministri i Mbrojtjes Niko Peleshi.
Një tjetër diskutim i bërë në qeveri është dhe ai për të rritur pagat e disa profesionistëve shumë të kërkuar në tregun e punës, si inxhinier IT për të arritur që t’i bëjnë pjesë të administratës.
“Synojmë që sektori publik të jetë punëdhënësi më i preferuar nga ato kategori profesionistësh të cilët nuk janë afruar deri tani”, bëri të ditur ministrja e Financave, Delina Ibrahimaj.
