Ish-kryeministri Sali Berisha tha sot se jo vetëm Edi Rama, por edhe zv/ kryeministrja Belinda Ballaku ka qenë nga më aktivet në aferën e dosjes “McGonigal” që po hetohet në SHBA. 43 deputetë të PD-së, sikur njoftoi Luçiano Boçi deri tani janë bashkuar nga dy grupet dhe kanë firmosur për ngritjen e një komisioni hetimor parlamentar.
Konkretisht kanë firmosur duke iu bashkuar grupit të Berishës, deputetë të grupit të Alibeajt si Gazmend Bardhi, Jorida Tabaku, Lefter Gështenja dhe Andia Ulliri, por nuk ka firmosur ende kryetari i grupit parlamentar, Enkelejd Alibeaj.
“Ballukja ka qenë si të thuash nga më aktivet në këtë aferë, por janë edhe ministra të tjerë. Ardi Veliu, Bledi Çuçi, që të gjithë këta.
I përgëzoj të gjithë deputetët që kanë firmosur në këtë Komision Hetimor Parlamentar dhe e siguroj Komisionin Hetimor Parlamentar të Kongresit të SHBA se komisioni ynë do të bëjë gjithçka për të zbardhur veprimtarinë kriminale të Edi Ramës, të McGonigal në Shqipëri, të Marco Ross-it dhe grupit të tyre.
Duhet të dini se, jo vetëm në këtë fushë, por edhe në aspekte të tjera, këta aventurierë kanë luajtur me interesa të një rëndësie jetike për SHBA. Komisioni do t’i rreshtojë të gjitha këto, si një detyrim madhor ndaj SHBA.
Mos prisni nga SKAP-i i partisë. Mc Gonigal është ulur këmbëkryq me ta. Jo një herë, por disa herë. Hetimin më të plotë do ta bëjë komisioni hetimor parlamentar” tha ai.
EMRAT
Luciano Boçi
Sorina Koti
Luan Baçi
Lindita Metaliaj
Isuf Cela
Kasem Mahmutaj
Tomorr Alizoti
Kastriot Piroli
Agron Shehaj
Edmond Spaho
Greta Bardeli
Ina Zhupa
Albana Vokshi
Tritan Shehu
Oerd Bylykbashi
Gazmend Bardhi
Flamur Noka
Sali Berisha
Edi Paloka
Xhelal Mziu
Ramadan Lika
Sajmir Koreshi
Eralda Bano
Ervin Salianji
Elda Hoti
Agron Duka
Bujar Leskaj
Belind Këlliçi
Orjola Pampuri
Lefter Gështenja
Zheni Gjergji
Bledjon Nallbati
Merita Bakiu
Jorida Tabaku
Andia Ulliri
Ilda Dhori
Monika Kryemadhi
Petrit Vasili
Helidon Bushati
Ferdinand Xhaferri
Flamur Hoxha
Emilja Koliqi
