Dy mjekë janë arrestuar në QSUT për korrupsion në kuadër të operacionit të koduar “Skaneri”. Policia thotë se mjekët u morën para pacientëve për të shmangur procedurën standarde spitalore për bërjen e skanerit.
Mjeku Nazmi Metaliu 63 vjeç banues në Tiranë dhe tekniku i shërbimit të Imazherisë në QSUT Astrit Mansaku 51 vjeç, banues po në Tiranë pas hetimit disa mujor u arrestuan.
“Nga veprimet hetimore, ka rezultuar se në bashkëpunim me njëri-tjetrin, gjatë ushtrimit të detyrës, iu mundësonin qytetarëve të ndryshëm, kundrejt shumave monetare, bërjen e skanerit, në kundërshtim me rregulloren e Spitalit, për kryerjen e kësaj procedure” thotë policia.
Materialet procedurale i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme.