Gjykata italiane ka marrë sot vendimin në lidhje me një bandë që operonte në zonën e L’Aquilas.
Mes të dënuarve si anëtarë të bandës është edhe shqiptari, Enver Fusha.
Gjykata vendosi që ai të dënohet 7 vite e 10 muaj heqje lirie.
Përveç tij janë dënuar edhe 9 anëtarë të tjerë të grupit, ndërsa vetëm një prej tyre u shpall i pafajshëm.
Banda shiste lëndë narkotike kryesisht te studentët dhe punëtorët e ndërtimit.
Droga vinte nga Roma dhe Avezzano, ndërsa gjatë operacionit mësohet se janë sekuestruar sasi të mëdha heroine dhe kokaine.
