Sekretari i Përgjithshëm i Partisë Demokratike, Flamur Noka, i ftuar në “5 Pyetjet” nga Ilir Babaramo, u shpreh se forca politike që ai drejton i ka trajtuar të gjitha çështjet dhe u kanë bërë me dije shqiptarëve se po vidhen nga mëngjesi në darkë nga qeveria Rama.
Gjiknuri në “5 Pyetjet”: As unë dhe asnjë zyrtar i PS nuk është thirrur për çështjen “McGonigal”!
Sipas Nokës, rasti McGonigal është më i rëni, pasi del se Kryeministri i vendit ka korruptuar një nga drejtorët kryesore të FBI dhe i ka korruptuar me qëllim për të luftuar opozitën, për të minuar demokracinë në Shqipëri, për ta shuar opozitën dhe për të instaluar monizmin.
“Ne i kemi trajtuar të gjitha çështjet dhe u kemi bërë me dije shqiptarëve se po vidhen nga mëngjesi në darkë. Kemi trajtuar shumë edhe çështjen e inceneratorëve. Ne kemi ngritur alarmin dhe kemi bërë beteja kudo edhe për çështjen e portit të Durrësit. Pra korrupsioni nuk ka të sosur që kur ka shkelu rilindja në pushtet.
Por rasti “McGonigal” është më i rëndë. Del që kryeministri i Shqipërisë ka korruptuar një nga drejtorët kryesore të FBI dhe i ka korruptuar me qëllim për të luftuar opozitën, për të minuar demokracinë në Shqipëri, për ta shuar opozitën dhe për të instaluar monizmin.”, u shpreh ndër të tjera Noka.
