Policia ka arrestuar tre të rinjtë, Aleksandër Prendi, 19 vjeç, Andrea Cara 21 vjeç dhe Erjon Uka 21 vjeç, pasi për motive të dobëta kanë kërcënuar me armë zjarrin shtetasin G.F.
Gjithashtu gjatë operacionit janë 2 armë zjarri (kallashnikov dhe pushkë) dhe municion luftarak. “Gjatë këtij operacioni, u zbardhen 2 raste të shkatërrimit të pronës me zjarr (djegia e 4 automjeteve), të ndodhura në nëntor 2022 dhe në janar 2023, autorë të të cilave dyshohet se janë këta 3 shtetas.
Menjëherë pas marrjes së njoftimit se në fshatin Shkjezë, Vau i Dejës, 3 shtetas po kërcënonin me armë zjarri, për motive të dobëta, një shtetas tjetër, shërbimet e Komisariatit të Policisë Vau i Dejës kanë organizuar punën dhe në kuadër të operacionit policor të koduar “Shkjeza”, kanë ndërhyrë me qëllim parandalimin e një ngjarjeje të mundshme kriminale.
Si rezultat i këtij operacioni u arrestuan shtetasit:
Aleksandër Predni 19 vjeç, Andrea Cara 21 vjeç dhe Erjon Uka U., 21 vjeç, të tre banues në fshatin Rranxë, Vau i Dejes.“, njoftoi policia.
