“Ky është parlament policor. Masa është disiplinore dhe jo ndaluese për t’u futur në kuvend. Ku ka ndodhur që të përjashtohen tetë deputetë të opozitës.
Kur ikën arsyeja, ikin edhe dritat”. Kështu deklaroi sot deputeti Luçiano Boçi pasi bashkë me shtatë deputetë të tjerë të opozitës u bllokuan për të hyrë në parlament për shkak të përjashtimit me 10 ditë.
Por deputeti demokrat tha se përjashtimi nuk është fizik, por me faktin që nuk kanë të drejtë të flasin.
“Kam ardhur të shikoj Lindita Nikollën më ka marrë malli. Dua të takoj Linditën o burr”, dëgjohet Boçi t’i thotë gardës me ironi.
Brenda parlamentit nuk ka drita, jashtë vijon protesta.
